@ في ربوع اسبانيا والعالم الورديه .
ليت موعد رحلتي لامن طرا يجفاني .

@ يا أمل كل الامل خفّي علي شويًه .
ماتحملت أوّلك يهجم علي الثاني .

@ أيه ابا اخفي ماعنيته بين ظل وفيه .
لايفسر نيتي لبرالي اوعلماني .

@ او مطوع ماتعدى طلعة القديه .
يفتي بكيفه وجنًب منهج الرحماني .

@ لو اعدد بك وصوفك ماكفتك الفيه .
وان كشفت اسرار زينك  يسلم النصراني .

@ فيك وفيك وفيك..إلا ضحكتك عاديه .
بس والله لاضحكتي ضيقتي تنساني .

@ وابحر بضحكك واساااافر بين ذيك وذيه .
لكن اني استحي واقول وش وداني ؟! .

          …………
@ هيه لايشطح خيالك .. وانت صف البنيه .
بس افكر .. أيه افكر .. ما وصل للساني .

@ قالوا اوصف ماتشوفه بلكي شفنا زيه .
قلت ما اقدر غير اقول ان الحلا رباني .

@ لو اقول ان البنيه كشخه وشخصيه .
والذهب يكسي شعرها والخشم شاماني .

@ والقوام استغفر الله فالتثني حيه .
قلتوا ياجورك تبالغ شاعر وغوياني .

@ خوذوا اعيوني وشوفوا كيف هي مبنيه .
كيف حوريه وتسكن كوكب الانساني .

@ ولو ابا احكي سرها فالبنيه التحتيه .
قلتوا “لا لا” يا نزار الشاعر القباني .
@ بس انا طبعي رومانسي.. كلمتي سحريه .
لو ابا اذوًب جليد القطب كان امداني .

@ بس ابا اشفًر وصوفي داخل القافيه .
وارسم المعنى واصيغه في درر ديواني .

@ واختصر فيها حكاوي ماهي فاي بنيه .
ثم اترجم مانسجت بفرشتي والواني .

@ واحتفظ باللغز جوا الخزنه السريه .
كله اخشى ان الذكي لو يكشفه يقراني” .

@ بس ابا اوجز واختصر هاللغز يالغاويه .
واسمعوا موجز كلامي ياخلف جداني .

@ إجتمع زين العرب والغرب في حوريه .
وعن جميع الحور زين البنت ذيك اغناني .

@ وسري في بطني ويسرح بين ظل وفيًه .
رغم خشم مطوع ولبرالي وعلماني .

 
  راشد السكران = شاعر المشاعر
     مدريد 15-8-2015

المصدر صحيفة الكسر- بتصرف