دكتور قم يفدونك الطماعه
من تستغل العالم الموجوعه
اكشف على قلبي بلا سماعه
بالعين شف دقاته وينبوعه
وشف علته بدموعي اللماعه
دايم تفيض اليا خرج عن طوعه
اقعد معي تكفى ولو نص ساعه
وكشفك دبل .. فاتورته مدفوعه
جيتك وقلبي لـلأسى شماعه
اطفا قناديل الأمل وشموعه
ما ابغى تحاليلك ولا ابغى اشاعه
اسمع.. وثم قل هالألم وش نوعه
أشكي عليك اللي طغى باطباعه
قلبي تعب من نفسه الدلوعه
اشتاق له وان جا يصير اشعاعه
مير البلا اضمى شوفته واجوعه
ايو الله احبه واحب مرباعه
وامه وابوه وعزوته واربوعه
وهو مودّعني حشاه اوداعه
واحس بظلوعي نمت بظلوعه
حاولت أبا اطوي سيرته وشراعه
وان صاحت ظلوعي تزيد اللوعه
قل اتركه.. وأقول سمع و طاعه
بس كيف ازيل عروقه المزروعه
وكيف اتحمل عينه الدماعه
ياما سبحت بموج بحر دموعه
دكتور.. أنا آسف نفسي الطماعه
ماتتركه.. لو طوَلت موجوعه
شاعر المشاعر = راشد السكران
20-2-2019
