صحيفة كل الصحف – منيرة عبدالرحمن
ونسرد قصتها المضحكة المبكية على لسانها باللهجة العامية كما روتها فتقول:
لي يمكن سنة ماغبت 😞
واضغط على عمري علشان منهجي
وأداوم بغض النظر عن ظروفي
واليوم قررت أغيب🤠
وتفاهمت مع بنياتي وقسّمت شغل الصبح عليهن🤗
خاصةً إن رجلي توجعني وظهري صايل🤦🏻♀
والبارح مقهوية بنت جيراننا والده 🤱🏻
لي ست شهور ما طلعت ذا الطلعات
المهم💁🏼♀
صليت الفجر وخمدت وتخيّلت إني على سرير رييييش 😴
وتثاوبت مثل توم إذا رجع لبيته سهران مع شلته 😺
والا والله ذا الزعقه 😓
والا جوري ورهف يتذابحن على من يلبس أول ويقفل الغرفه
قمت وهجّدت الوضع
ورتبت الدور ورجعت انسدح🤤
دقااااايق
ثم جتني رهف وقوّمتني 😪
توقعوا ليه ؟!
علشان تقول مع السلامة يا ماما
والله ماقد قالتها من ولدتها😩
واطالع فيها والاها لابسةٍ القميص مقلوب😭😭
واقعد افسّخ والبّس💔😩
يوم خلصت واطالع فيها والا شوشتها طايره ( معتمده انا على العجوز جوري )
المهم وامشّط شعرها واخلص
واسمع الباب طعع ( راحوا )
ارتحت ورجعت لوضعية تثاوب توم وجيري
نص ساعه وتدق علي الغالية السنعه ( شادن )😭
في الجامعه وماتقوم الا بعدهم
المهم وتقول لي بكل برووووووود💅🏻
يمّه اللحمه اللي موصيتني اطلعها من الفريزر حاشي والا غنم 😭😭
قلت وينك ما طلعتي ؟!
قالت الا بس حبيت اتأكد😭
قلت كله واحد
وليتك ماطلعتي شي
شكلي بأطبخ واحد منكم😭
وارجع أرقد وأنا اترجى النوم
تكفى تكفى تعال اتوب والله معد اعودها
ويالله سامحني💔
وبعد ٣٠ دقيقة فقط
تدق مدرسة جوري
الووووووووووو🤦🏻♀
ليش جوري غايبه ؟!🤓
بغت تجيني جلطه😫
الحمد لله إني متعودة على فهاوة المراقبات والا كان اغمى علي
قلت جاااااااااايه والله جايه😑
ابوس ايدك والله انها مداومة
روحي شوفيها في فصلها داقه حنك مع زميلتها😩
قالت طيب بأروح اشوف لا تقفلين
( خذي راحتك حبيبتي ما وراي شي )
وتروح وتجيبها
آسفه يا اختي
امسكي كلميها علشان تتطمنين انها طيبه
قلت روحي انتي واياها الله يستر عليك😭😭😭😭😭
رجعت ارقد
دوّرت النوم بأعتذر له وكذا ومالقيته😩
رااااااااااح
ولقيته كاتب رساله لي عند المخده
( خلي الغياب والنوم لأهله
داومي ولو بعكاز وقومي شبي على اللحمة ترى أبو فهد يبي اليوم مقلوبة🍲🥗 )
😭😭😭😭😭😭
